პროპაგანდის 3 საფეხურიანი მოდელი 1) საფრთხეების ხელოვნურად შექმნას; 2) დემოკრატიული ინსტიტუტებისა და პარტნიორების მიმართ უნდობლობისა და უიმედობის დათესვას; 3) საფრთხეების და უიმედობის დაძლევის ალტერნატივის შეთავაზებას ერთდროულად ახდენს.

პროპაგანდა რელიგიის და ინფორმაციის იარაღად გამოყენებას ახდენს, როდესაც განზრახ მანიპულირებს ადამიანის გრძნობებით, ინდივიდის იდენტობით, აპელირებს რა საერთო ღირებულებებსა და იდენტობის დაკარგვის საფრთხეზე.

დეფლექციური წყაროს მოდელი გულისხმობს, გზავნილის ან ყალბი ინფორმაციის ლეგიტიმაციის მიზნით, დეფლექციური ანუ წყაროს არიდების მოდელის შექმნას, როდესაც ინფორმაციის მიმღები გზავნილს პროპაგანდისტთან ანუ რეალურ წყაროსთან არ აკავშირებს და მას იმ მედიუმის (დეფლექციური წყაროს) ინფორმაციად აღიქვამს, რომელშიც ის გამოქვეყნდა.

ყალბი ინფორმაციის გასავრცელებლად ხშირად წყაროდ სოციალურ მედიას იყენებენ. ამ შემთხვევაში სოციალური მედია ერთი პირის მიერ მოწოდებულ, დამოუკიდებელ წყაროებთან გადაუმოწმებელ ინფორმაციას გვთავაზობს. ტაბლოიდური ონლაინ ან ბეჭდვითი ახალი ამბების მედია ყალბი ინფორმაციის გავრცელების სწორედ ამ მეთოდს იყენებს, რითიც, თავის მხრივ, სოციალური მედიით გავრცელებული გადაუმოწმებელი ცნობების ლეგიტიმაციას ახდენს.

Ad nauseam-ის ტექნიკა ერთი და იმავე იდეის განუწყვეტლივ გამეორებას გულისხმობს. ეს შესაძლოა იყოს იდეა, ან მარტივი სლოგანი, რომელსაც იმდენად ხშირად იმეორებენ, რომ ადამიანები მას იჯერებენ.

მცდარი დილემის ტექნიკა ანუ შავ-თეთრი აზროვნების ტექნიკა გულისხმობს მხოლოდ ორი ალტერნატივის დასახვას და ერთ-ერთისათვის უპირატესობის მინიჭებას.

(Whataboutism) არის ტექნიკა, რომელიც ბრალდებებზე ან რთულ საკითხებზე პასუხის გაცემის ნაცვლად ან საპირისპირო ბრალდებებს აყენებს ან აქცენტი სხვა საკითხზე გადააქვს, რაც არასწორი შედარებებისა და მანიპულაციური მორალური მსჯელობების გზით, კრიტიკის ობიექტიდან ყურადღების გადატანას ან/და ამ ობიექტის გამართლებას ცდილობს.

ინფორმაცია ნაწილობრივ მართალია, თუმცა ფაქტების შერჩევითი მიწოდება ან არსებითი ფაქტების გამოტოვება ხდება.

ისეთი ავთენტური დოკუმენტების/ფაქტების გამოყენება, რომლებიც მტკიცებულებების ილუზიას ქმნიან, მაგრამ რეალურად არარელევანტურია იმ ბრალდებებთან მიმართებით, რომელთა საილუსტრაციოდაც არის გამოყენებული.

ფაქტების, განცხადებების და წყაროების არასწორად ინტერპრეტირება აუდიტორიაში ეჭვების დათესვის და მცდარი წარმოდგენების შექმნის მიზნით.

კონსპირაცია და ფსევდომეცნიერება აუდიტორიაში ეჭვისა და შიშის დათესვას ისახავს მიზნად. ასეთ დროს უგულებელყოფილია მეცნიერების, შესაბამისი საკითხის ექსპერტების მოსაზრებები, ავთენტური სამეცნიერო ნაშრომები. კონსპირაციების წრის გარღვევა რთულია, რადგანაც, ფაქტები, რომლებიც შეთქმულებებს აბათილებს, პროპაგანდისტების მიერ წარმოდგენილია, როგორც კონსპირაციის კიდევ ერთი “დამამტკიცებელი” საბუთი.

დემონიზების ტექნიკა გულისხმობს მოწინააღმდეგის არაჰუმანურად წარმოჩენას, ბრალდებებისა და არასწორი განზოგადების გზით.

აღძრავს უსაფუძვლო განგაშს, კონკრეტულ მოვლენას/ინფორმაციას მოვლენების დრამატიზების მიზნით განაზოგადებს.