Մեդիայի և տեղեկատվական գրագիտության լաբորատորիայի (MilLab) առցանց հարթակը հավելյալ կրթական ռեսուրս է, որի նպատակն է զարգացնել երիտասարդների քննադատական մտածողությունը և աջակցել մեդիայի իրազեկ սպառման։
Հարթակը տրամադրում է կրթական նյութեր, խաղեր, վարժություններ, մեդիայի պրակտիկ դեպքերի ուսումնասիրություններ, որոնք զարգացնում են մեդիա բովանդակության, տեղեկատվության հավաքման և ստուգման, ինչպես նաև կեղծ լուրերի վերլուծության հմտություններ։
Մեդիա և տեղեկատվական գրագիտության բաժնում ներկայացվում է վեց թեմա;
- Մեդիա և տեղեկատվություն;
- Պրոպագանդա և վավերականացում;
- Թափանցիկություն;
- Ատելության խոսք;
- Կիբերանվտանգություն;
- Անձնական տվյալներ/ Անձնական կյանքի գաղտնիություն։
Հարթակը սովորեցնում է երիտասարդներին, թե ինչպես է գործում մեդիան ժողովրդավարական հասարակությունում, ինչպես ստուգել կեղծ տեղեկատվությունը և ինչպես պարզել լրատվամիջոցի հետևում «կանգնած» հատուկ շահերը։
Ռեսուրսը ստեղծվել է Վրաստանում Նիդերլանդների դեսպանատան աջակցությամբ իրականացվող «Մեդիագրագիտության և քննադատական մտածողության խթանում դպրոցներում» ծրագրի շրջանակներում։
