2020 წლის 10 იანვარს მედიის განვითარების ფონდმა “ფაბრიკაში” მედიაწიგნიერების პირველ ფორუმს უმასპინძლა. 

ფორუმის ფარგლებში ჩატარდა ინტერაქტიული სემინარები ინტერნეტ-ტროლების იდენტიფიცირებასა და გეოლოკაციაში. ონლაინ თამაშების ბაზრობაზე ფორუმის მონაწილეებმა მედიაწიგნიერების თემაზე შემქნილი ონლაინ თამაშები ითამაშეს და სიმბოლური პრიზები მოიგეს. 

ღონისძიებაზე ანეკდოტური მტკიცებულებების კვლევის პრეზენტაციაც გაიმართა. კვლევა 2019 წლის ივლისსა და აგვისტოში “მითების დეტექტორის” რეგიონულმა ფაქტ-ჩეკერებმა საქართველოს 4 რეგიონში პირისპირ ინტერვიუების მეთოდით ჩაატარეს და ყველზე გავრცელებული მითები და კონსპირაციის თეორიები გამოავლინეს.

მედიაწიგნიერების ფორუმის საზეიმო ნაწილში ონლაინ ქვიზების კონკურსის “2019 წლის მედიაწიგნიერი ახალგაზრდა” გამარჯვებულები დაჯილდოვდნენ. მე-3 ადგილზე გასულ თეონა ხელაძესა და გიგა ჩალიგავას პრიზი ForSet-მა გადასცა, მე-2 ადგილის მფლობელი დავით ნემსაძე  on.ge-მ დააჯილდოვა, სპეციალური პრიზის მფლობელს ილია სადღობელაშვილს პრიზი მედიის განვითარების ფონდმა გადასცა ,ხოლო პირველი ადგილის მფლობელი ლიკა ჩხეტიანი ამერიკის შეერთებული შტატების საელჩოს საზოგადოებრივ საქმეთა განყოილების უფროსმა ქეთრინ შვაიცერმა დააჯილდოვა. 

ღონისძიება გაიმართა პროექტის “ახალგაზრდების მედიაწიგნიერების ლაბორატორია პასუხისმგებლიანი მედია მოხმარებისთვის” ფარგლებში, რომელსაც მხარს ამერიკის შეერთებული შტატების საელჩო უჭერს. 

ფორუმის მიზანია, მედიაწიგნიერების ხელშემწყობი რეგულარული ღონისძიების დანერგვა, რომლის ფარგლებშიც მოხდება საუკეთესო გამოცდილების გაზიარება და ყოველწლიური კონკურსის შედეგად ყველაზე მედიაწიგნიერი ახალგაზრდა დაჯილდოვდება.