ინტერნეტში სიძულვილის ენის შემცველი კონტენტი რეაგირების გარეშე არ უნდა დარჩეს. თუ სიძულვილის ენის შემცველი შეტყობინება პირად მიმოწერაში მიიღეთ ან ინტერნეტში გადააწყდით:

• შეინახეთ მიღებული წერილი ან შეტყობინება;

• შეინახეთ გამომგზავნის, მომხმარებლის სახელი და ელ.ფოსტის მისამართი;

• შეინახეთ ვებ-გვერდის სრული მისამართი;

• გადაიღეთ სიძულვილის შემცველი მასალის სურათი (screenshot).

ინტერნეტში სიძულვილის შემცველი მასალის გავრცელების შემთხვევაში, სათანადო შეატყობინება შეიძლება გაეგზავნოს:  

• ვებ-გვერდის ადმინისტრაციას;

• ინტერნეტ-სერვისის მომწოდებელს;

• არასამათავრობო ორგანიზაციას.

Facebook

• დააწკაპუნეთ პოსტის ზედა მარჯვენა კუთხეში,
• დააწკაპუნეთ ‘Report post’,
• აირჩიეთ ვარიანტი, რომელიც ყველაზე კარგად აღწერს პრობლემას და მიჰყევით ინსტრუქციას

თუ სიძულვილის ენა ფოტოს ან ვიდეოს ფორმით ვრცელდება:

• დააწკაპუნეთ ფოტოზე ან ვიდეოზე, რომ სრულად გაიშალოს ეკრანზე,
• ქვედა მარჯვენა კუთხეში დააწკაპუნეთ ‘Options’,
• მონიშნეთ ‘Give feedback or report photo’,
• აირჩიეთ ‘Hate Speech’ და გაგზავნეთ (‘Send’).

თუ სიძულვილის ენის შემცველი პირადი შეტყობინება Facebook მესენჯერში მიიღეთ, ეს ფორმა  უნდა შეავსოთ:

• მიუთითეთ იმ პირის სახელი, რომელიც გიგზავნით მსგავს მასალას, 
• თუ მიმოწერის ‘სქრინშოტი’ გაქვთ, ატვირთეთ, ან შესაბამის ველში ჩასვით მიმოწერა (ჩააკოპირეთ), 
• აირჩიეთ ვარიანტი, რომელიც პრობლემას ყველაზე კარგად აღწერს, 
• თქვენივე სიტყვებით აღწერეთ, რა მოხდა და გაგზავნეთ ფორმა. 

როდესაც სიძულვილის ენას Facebook-ზე შექმნილი ჯგუფი ავრცელებს:

• გარეკანის ფოტოს (‘cover photo’) ქვეშ დაკლიკეთ სამწერტილი და “Give feedback or report this page” აირჩიეთ,
• დააწკაპუნეთ ‘Hate Speech’ და გაგზავნეთ (‘Send’).

თუ მომხმარებელი თქვენს პოსტზე სიძულვილის ენის შემცველ კომენტარს დატოვებს:

• ისარი კომენტარს მიუახლოვეთ და გამოჩენილ სამწერტილზე დააწკაპუნეთ,
• აირჩიეთ “Give feedback or report this comment”,
• მონიშნეთ ‘Hate Speech’ და გაგზავნეთ (‘Send’).

Youtube

სიძულვილის ენის შემცველი ვიდეოს დასარეპორტებლად:

• შეიყვანეთ თქვენი მომხმარებლის სახელი,
• ვიდეოს ქვეშ ‘More’ ღილაკზე ან სამწერტილზე დააწკაპუნეთ,
• აირჩიეთ ‘Report’.
• მონიშნეთ ‘Hateful or abusive content’,
• მონიშნეთ ვიდეოს ის მონაკვეთი, რომელიც სიძულვილის ენას შეიცავს. თუ შეგიძლიათ, აღწერეთ დარღვევის ხასიათი და გაგზავნეთ შეტყობინება.

სიძულვილის ენის შემცველი კომენტარის დასარეპორტებლად:

• ისარი კომენტარს გაუსწორეთ და სამწერტილზე  დააწკაპუნეთ,
• დაკლიკეთ ‘Report’,
• მონიშნეთ ‘Hate speech’ და გაგზავნეთ.