Məlumat Azadlığı
Demokratik quruluşlarda vətəndaşlar qərarları xalq hakimiyyətinin mənbəyi hesab edilən informasiyaya söykənib qəbul edirlər. Yalnız məlumatlandırılmış vətəndaş azad bir cəmiyyətin təməlidir.
Hökumətin şəffaflığına nail olmaq üçün ictimaiyət onun açıqlığını və hesabatlılığını tələb etməsi vacibdir.
İctimai məlumat nədir?
İctimai məlumatlar dövlət sektoru orqanlarından əldə edilən və sənəd şəklində (rəsm, model, plan, maket, fotoşəkil, elektron məlumat, video və audio yazı daxil olmaqla) üzə çıxan bütün məlumatlardır. Misal üçün bu dövlət qurumu, həmçinin rəsmi fəaliyyətlə əlaqəli dövlət müəssisəsi və ya dövlət qulluqçusu tərəfindən qəbul edilmiş, emal edilmiş, yaradılmış və ya göndərilmiş hər hansı məlumat; hər hansı bir dövlət qurumu tərəfindən proaktiv şəkildə nəşr olunan hər hansı bir məlumat deməkdir.
İctiami məlumatı yaymaq kimin səlahiyyətidir?
İctimaiyyəti məlumatlarla bilgiləndirmək öhdəliyi yalnız dövlət orqanlarına həvalə edilmir, bu eyni zamanda yerli özünüidarəetmə və dövlət orqanlarına, habelə dövlət tərəfindən müəyyən səlahiyyətlərə malik olan və qismən və ya tamamilə maliyyələşdirilən təşkilatlara həvalə edilir.
İctiami məlumatı tələb etmə hüququ kimə aiddir?
Hər kəs inzibati orqanlardan cari ictimai məlumatı tələb etmək və onun surətlərini almaq hüququna malikdir.
Dövlət qurumunda saxlanılan hansı məlumat açıq deyil?
göstərilən növ məlumatdan savayı dövlət müəssisəsində saxlanılan istənilən məlumat açıqdır:
-
Dövlət sirri
-
Kommersiya sirri
-
Peşəkar sirr
-
Şəxsi məlumatlar
Dövlət qurumu əsasında məxfiliyini müəyyən etdiyi müvafiq normative aktı təqdim etməlidir.
Dövlət sirri müdafiə, iqtisadiyyat, xarici əlaqələr, kəşfiyyat, milli təhlükəsizlik və hüquq-mühafizə sahələrinə aid olan və açıqlanması Gürcüstanın maraqlarına zərər vura biləcək məlumatlardan ibarətdir.
Məxfi məlumatlara yalnız məhdud sayda dövlət rəsmisinin çıxışı var və həmin şəxslər bu məlumatların qorunmasına görə məsuliyyət daşıyır.
Kommersiya sirri, açıqlandığı zaman şəxsin rəqabət qabiliyyətinə zərər verə biləcək kommersiya dəyəri olan məlumatdır.
Peşəkar sirr bir şəxsə, vəzifə borcunu yerinə yetirərkən, digərlər barədə şəxsi məlumat ya kommersiya sirri daşıyan informasiyanın məlum olmasıdır.
Şəxsi məlumatlar şəxsin müəyyən edilməsi üçün imkan yaradan hər hansı bir məlumatdır.
Hansı vaxt kəsiyi çərçivəsində ictimai məlumat dərc edilməlidir?
İctimai məlumat başqa bir təşkilatdan və ya coğrafi sahədən sorğu gəlməyibsə yaxud məlumatların işlənilməsi tələb olunmursa dərhal verilməlidir. Sonuncu halda, məlumat on gün ərzində veriləcəkdir.
Hər hansı bir dövlət qurumundan məlumatları elektron formada tələb etmək mümkündürmü?
Gürcüstanda hər hansı bir dövlət qurumuna elektron formada sorğu yönəltmək mümkün deyil. Halbuki, bəzi agentliklərdən www.my.gov.ge keçidindən istifadə edərək yaxud e –mail vasitəsi ilə bu mümkündür.
Dövlət qurumu informasiya verməkdən imtina etdikdə nə etməliyik?
İnzibati orqanın məlumatı və ya xüsusi məlumatı təsnifləşdirmək barədə qərar verməkdən imtina etməsi ilə bağlı şikayət yuxarıdakı inzibati orqana, sonra isə məhkəməyə göndərilə bilər.
