Ինտերնետում ատելության խոսք պարունակող քոնթենթը չպետք է անպատասխան մնա: Եթե դուք ստանում եք ատելութան խոսք պարունակող հաղորդագրություն կամ համացանցում նման բովանդակություն եք տեսնում․

• պահպանեք էլեկտրոնային փոստը կամ հաղորդագրությունը,

• պահպանեք ուղարկողի անունը կամ էլեկտրոնային փոստի հասցեն,

• պահպանեք վեբ կայքի ամբողջական հասցեն,

• Ատելություն պարունակող նյութը սքրինշոթ արեք։

Առցանց ատելության քոնթենթի վերաբերյալ կարելի է բողոք ներկայացնել՝  

• Վեբ կայքի ադմինիստրատորին,

• ինտերնետ ծառայություն մատուցողին,

• ոչ կառավարական կազմակերպությանը:

Ֆեյսբուք  

• Կտտացրեք գրառման վերևի աջ անկյունի վրա,
• Սեղմեք «Բողոքել գրառումից» տարբերակի վրա,
• Ընտրեք այն տարբերակը, որը լավագույնս նկարագրում է խնդիրը եւ հետեւեք հրահանգներին։

Եթե ատելությունը տարածվում է լուսանկարի կամ տեսանյութի տեսքով․

• Կտտացրեք նյութի վրա այն մեծացնելու համար,
• Կտտացրեք նյութի ստորին աջ անկյունի «Ընտրանքներ» տողի վրա,
• Կտտացրեք «Ձեր կարծիքը կամ բողոքը նկարի վերաբերյալ» տողի վրա,
• Ընտրեք «Ատելության խոսք» եւ այնուհետեւ «Ուղարկել» տողերը։

Եթե դուք ստանում եք ատելության խոսք պարունակող հաղորդագրություն ֆեյսբուքի մեսինջերի միջոցով, լրացրեք այս ձևաթուղթը.

• Լրացրեք ուղարկողի անունը: 
• Եթե ունեք խոսակցության սքրինշոթ (արտատպվածք), վերբեռնեք այն կամ պատճենեք խոսակցությունը եւ տեղադրեք այն համապատասխան վանդակում: 
• Ընտրեք այն տարբերակը, որը լավագույնս է նկարագրում խնդիրը։ 
• Նկարագրեք միջադեպը ձեր սեփական բառերով եւ ուղարկեք ձեւաթուղթը: 

Եթե ատելությունը տարածվում է ֆեյսբուքյան խմբի կողմից․

• Նախ կտտացրեք ետնանկարի կետերի, ապա «Ձեր կարծիքը կամ բողոքը նկարի վերաբերյալ» տողի վրա։
• Կտտացրեք «Ատելության խոսք» տողի վրա եւ սեղմեք «Ուղարկել» կոճակը:

Եթե օգտագործողը ատելություն պարունակող մեկնաբանություն է թողնում ձեր գրառման տակ․

• Մեկնաբանության աջ կողմում գտեք և սեղմեքկետերը,
• Սեղմեք «Ձեր կարծիքը կամ բողոքը նկարի վերաբերյալ» տողի վրա,
• Կտտացրեք «Ատելության խոսք» տողի վրա եւ սեղմեք «Ուղարկել» կոճակը։

Յություբ 

Youtube- ում ատելություն պարունակող տեսանյութի մասին հաղորդում ներկայացնելու համար․

• Մուտք գործեք ձեր հաշիվ,
• Սեղմեք «Ավելին» կամ տեսանյութի ներքեւում գտնվող կետերի վրա,
• Ընտրեք «Բողոք» (Report) տողը,
• Սեղմեք «Ատելության խոսք կամ վիրավորանք պարունակող քոնթենթ»,
• Ընտրեք տեսանյութի ատելության բովանդակությամբ մասը, նկարագրեք խնդիրը, եթե կարող եք եւ ուղարկեք բողոքը։

Տեսանյութի տակ արված ատելության խոսք պարունակող մեկնաբանության դեմ բողոք ներկայացնելու համար․

• Սեղմեք մեկնաբանության աջ կողմում գտնվող կետերի վրա,
• Սեղմեք «Բողոք» կոճակը,
• Կտտացրեք «Ատելության խոսք» տողի վրա եւ սեղմեք «Ուղարկել» կոճակը։