Կիբերանվտանգություն
Տեխնոլոգիական առաջընթացը և համացանցը մասավորապես մեր կյանքը միանշանակ ավելի հեշտացրել են։ Մենք հեշտությամբ կարողանում ենք գտնել, փոխանցել և ստանալ ցանկացած տեղեկատվություն։ Այդուհանդերձ, համացանցում տեղեկատվություն փնտրելու և փոխանակելու գործընթացն ուղեկցվում է կիբեր վտանգներով, որոնք ռիսկային են ձեր տեխնիկական սարքի և դրանում պահվող տվյալների համար։ Կիբեր վտանգները սորաբար դասակարգվում են երկու խմբում
- Ծրագրային վտանգներ,
- Առցանց խարդախություններ։
Ի՞նչ է պետք իմանալ ծրագրային վտանգների մասին։
Վնասարար ծրագրակազմ. Սա համակարգչային ծածկագիր է կամ ծրագրային հավելված, որը կարող է անշրջելիորեն վնասել Ձեր սարքը (համակարգիչը, բջջային հեռախոսը, տաբլետը) և նույնիսկ գողանալ Ձեր անձնական տեղեկատվությունը։ Վնասարար ծրագրակազմը, մասնավորապես՝
- Ձևաչափում է Ձեր համակարգչի կոշտ սկավառակը՝ ամենայն հավանականությամբ ոչնչացնելով Ձեր ունեցած ողջ տեղեկությունները։
- Փոփոխում կամ ջնջում է Ձեր ֆայլերը,
- Գողանում է Ձեր անձնական տվյալները,
- Վերահսկում է ամբողջ համակարգիչը և դրա բոլոր ծրագրերը։
Եթե կայքէջն ունի վնասակար ծրագրակազմ, Ձեր համացանցի զննարկիչը հաստատապես կզգուշացնի Ձեզ այդ մասին։ Նման զգուշացում ստանալու դեպքում (Վնասարար կայքի զգուշացում), անհապաղ փակեք զննարկիչի պատուհանը։ ↓↓↓
Որո՞նք են ամենատարածված վնասարար ծրագրակազմերը․
- Դրամաշորթ ծրագրերը,
- Լրտես ծրագրերը,
- Տրոյական ձին,
- Փոստային վիրուսները։
Դրամաշորթ ծրագիրը արգելափակում է ողջ համակարգիչը կամ դրանում պահպանված կոնկրետ ֆայլեր և պահանջում <<փրկագին>> վճարել բիթքոյնի տեսքով համակարգչին կամ ֆայլերին հասանելիություն ստանալու հնարավորության դիմաց։.
‘Wannacry’ դրամաշորթ ծրագիր
Լրտես ծրագրեր․
- Հավաքում է Ձեր անձնական տվյալներն առանց Ձեր իմացության,
- Փոխանցում է Ձեր անձնական տվյալները երրորդ կողմին,
- Փոխում է համակարգչի կարգավորումները,
- Ուղղորդում է Ձեզ վնասարար կայքեր,
- Ծանրաբեռնում է համակարգիչը թարթող գովազդներով։
Տրոյական ձի. Այս վիրուսը հիմնականում թաքնված է թվացյալ անվնաս ծրագրաշարում, օրինակ՝ առցանց բառարանում։ Այդ ծրագիրը ներբեռնելու դեպքում վիրուսը մտնում է համակարգիչ։ Տրոյական ձին կարող է․
- Ջնջել ֆայլեր,
- Օգտագործել Ձեր համակարգիչը որպես պրոքսի այլ սարք մուտ գործելւ համար,
- Հետևել Ձեզ ձեր վեբտեսախցիկի միջոցով,
- Պատճենել անձնագրային կամ բանկային քարտի տվյալները։
Հակավիրուսային ծրագիրը կզգուշացնի Ձեզ, եթե ձեր համակարգիչը վարակվի տրոյական ձիով։ ↓
Փոստային վիրուս. Էլեկտրոնային նամակին կցված ֆայլը կամ հղումը կարող է վարակված լինել վնասարար ծրագրով։ Ֆայլը ներբեռնելով կամ հղման վրա կտտացնելով՝ կարող եք վարակել Ձեր սարքը վիրուսով։
MITM հարձակում
MITM (man in the middle) բառացի նշանակում է մարդկային գործոն կա։ MITM հարձակման ժամանակ հաքերը կասեցնում է երկու անձանց միջև հաղորդակցությունը և կարող է․
- Գողանալ այդ հաղորդակցության ընթացքում փոխանցած անձնական տվյալները
- Ներկայանում է որպես հաղորդակցության մասնակիցներից մեկը և հրահրում մյուս մասնակցին ավելի շատ անհատական տվյալներ բացահայտել։
Նկարում ներկայացված կապույտ շրջանները գրավոր հաղորդակցության մասնակիցներն են, իսկ կարմիրը՝ հաքերը։
Աղբյուր՝ Miraceti
Ի՞նչ է պետք իմանալ կրիպտոարժույթներին առնչվող վտանգների մասին
Վեբ-մայնինգը օգտատիրոջ համակարգչի գործառնական հնարավորությունների չարտոնված օգտագործումն է։ Գործարկման սկզբունքը հետևյալն է․ վեբ-կայքը, որն ունի ‘javascript’ մայնինգի ներդրված հնարավորություն, սկսում է օգտագործել իր այցելուների համակարգիչները վիրտուալ փող աշխատելու համար։ Հաճախ օգտատերերը նույնիսկ չեն հասկանում, որ իրենց համակարգիչներն օգտագործվում են։
Կրիպտոկողոպուտ ասելով՝ հասկանում ենք օգտատիրոջ համակարգչի վարակումը՝ ֆինանսական օգուտ ստանալու նպատակով։ Հակավիրուսային ծրագրերի մեծ մասը գուցե նույնիսկ չնկատի այս վնասարար ծրագրերը, և վեբկայքը կկարողանա օգտագործել օգտատիրոջ համակարգչի գործառնական կարողությունները՝ առանց թույլտվության կրիպտոարժույթ վաստակելու համար։
Ինչպե՞ս իմանալ, որ համակարգիչդ վարակվել է
Ինչպե՞ս է պետք պաշտպանել սարքը վնասարար ծրագրերից
Հիշե՛ք․
- Մի օգտագործեք Ձեր սարքն առանց հակավիրուսային ծրագրերի։
- Պարբերաբար ստեղծվում են նոր վնասարար ծրագրեր, որոնք հեշտությամբ ներթափանցում են Ձեր սարք անվտանգության ժամկետանց ծրագրերի պատճառով։ Հետևաբար, անհրաժեշտ է կանոնավոր կերպով թարմացնել Ձեր հակավիրուսային ծրագրերը։
- Սքանավորեք Ձեր սարքը հակավիրուսային ծրագիրը տեղադրելուն պես։
- Սքանավորեք USB ֆլեշ կրիչն այն օգտագործելուց առաջ։
- Զգուշացեք․ հակավիրուսային ոչ բոլոր ծրագրերն են վստահելի։ Օրինակ՝ Կասպերսկի հակավիրուսային ծրագիրը ստեղծվել է ռուսական Կասպերսկի լաբ ընկերության կողմից։ ԱՄՆ սենատի հակահետախուզական կոմիտեի Բլումբերգ շաբաթաթերթի համաձայն՝ այս կազմակերպությունը կարող է կապված լինել Ռուսաստանի պաշտպանության և անվտանգության մարմինների հետ։
Հրապատ (Firewall). Հրապատը պաշտպանիչ վահանի դեր է կատարում Ձեր համակարգչի և համացանցին ներխուժել փորձող այլ սարքերի միջև։
- Ակտիվացրեք հրապատը Ձեր համակարգչի Հսկիչ վահանակից (Control Panel)։
- Եթե Ձեր համակարգչի օպրացիոն համակարգն այն չունի, ապա ներբեռնեք համացանցից։
- Դուք պետք է թարմացնեք Ձեր հրապատը կանոնավոր կերպով։
Էլ․փոտի անվտանգություն. Էլ․ փոստով ստացվող վիրուսներից պաշտպանվելու համար․
- Բացեք նամակին կցված ֆայլը միայն եթե ճանաչում եք ուղարկողին։
- Մի բացեք անծանոթ անձից ստացած նամակը և մի կտտացրեք անհայտ հղումների վրա։
- Ֆայլը բացելուց առաջ նախ սքանավորեք այն հակավիրուսային ծրագրով։
Ինտերնետ զննարկիչի ապահովություն. Ինտերնետ զննարկիչն օգտագործվում է համացանց մուտք գործելու համար։ Օրինակ՝ Ինտերնետ էքսփլորեր (Internet Explorer), Խրոմ (Chrome) կամ Մոզիլա Ֆայրֆոքս (Firefox)։ Քանի որ զննարկիչները հաճախ գտնվում են վնասարար ծրագրակազմի թիրախում, անհրաժեշտ է դրանք կանոնավոր կերպով թարմացնել։
Ֆայլերի ներբեռնում.
- Համացանցից ֆայլ ներբեռնելուց առաջ համոզվեք, որ աղբյուրը վստահելի է։
- Ֆայլը բացելուց առաջ համոզվեք, որ Ձեր հակավիրուսային ծրագիրը վերջին թարմության է։
- Ստուգեք ֆայլը թարմացված հակավիրուսային ծրագրով։
- Ներբեռնեք երգեր միայն վեբ-խանութներից։
Հանրային համակարգիչներ. Ինտերնետ-սրճարանների կամ գրադարանների համակարգիչներն օգտագործվում են շատ մարդկանց կողմից, և այդ պատճառով էլ հաճախ վարակվում են վիրուսներով։ Եթե դուք կատարեք հետևյալ պարզ հրահանգները, դուք կպաշտպանեք Ձեր անհատական տվյալները կիբերվտանգներից․
- Երբեք թույլ մի տվեք հանրային համակարգչին հիշել Ձեր օգտվողի անունն ու գաղտնաբառը։
- Այս համակարգչով աշխատելը վերջացնելուն պես, դուրս եկեք Ձեր էջից։
- Սարքն անջատելուց առաջ մաքրեք զննարկման պատմությունը և թխուկները (cookies), ինչը մեխանիկորեն կջնջի համակարգիչ ներմուծած անհատական տվյալները։
- Փորձեք խուսափել USB ֆլեշ կրիչ օգտագործելուց, քանի որ նրանք հեշտությամբ վիրուսներ են վերցնում, և դրանք օգտագործելով՝ դուք կարող եք վարակել Ձեր իսկ համակարգիչը։
Օպերա ինտերնետ զննարկիչում զննարկման պատմության ջնջելը
Զննարկման պատմությունը ջնջելը Քրոմ զննարկիչում․ մուտքագրեք՝ chrome://history հասցեն հասցեի տողում, ապա սեղմեք <<Ջնջել զննարկման պատմությունը>>։ 
Զննարկման պատմությունը ջնջելը Մոզիլա Ֆայերֆոքս զննարկիչում: սեղմեք զննարկիչի պատուհանի վերևի աջ անկյունում գտնվող պատկերակի վրա և ընտրեք <<Ջնջել վերջին պատմությունը>> տողի վրա։
Զննարկման պատմությունը ջնջելը Սաֆարի զննարկիչում․
Մաքբուքի Սաֆարի հավելվածում 
ընտրեք <<Պատմություն>> տողը → Ջնջել պատմությունը, կտտացրեք փոփափ պատուհանի վրա և ընտրեք այն ժամանակամիջոցը, որի ընթացքում կատարված զննարկումը ցանկանում եք ջնջել։
Թխուկ
Թխուկները հաճախ օգտագործվում են գովազդային ընկերությունների կողմից։ Նրանց համար կարևոր է իմանալ, թե օգտատերերն ինչ կայքեր են այցելում՝ թիրախավորված գովազդ տեղադրելու համար, երբ վերջիններս հաջորդ անգամ մուտք կգործեն նույն կամ այլ վեբկայք։ Այս նպատակին հասնելու համար գովազդային ընկերությունները հաճախ այս վեբկայքերի համաձայնությամբ ստեղծում են Ձեր թխուկները։
Ի՞նչ կարող եք անել թխուկների անվտանգության համար
Թխուկներում առկա տեղեկատվությունը պաշտպանելու համար մի քանի եղանակ կա․- Ջնջել անցանկալի թխուկները։
- Օգտագործել զննարկման գաղտնի եղանակը, որը թխուկներ չի պահպանում (Խրոմում այն կոչվում է Ինկոգնիտո եղանակ, Ֆայրֆոքսում և Սաֆարիում՝ Գաղտնի զննարկում)։
- Այցելել միայն անվտանգ կայքեր (նրանց հասցե սկսվում է https-ով)։ Դրանք կոդավորում են Ձեր թխուկները, ինչը դժվարացնում է դրանց հասանելիությունը կողմնակի անձանց համար։
- Քանի որ թխուկները պահպանում են Ձեր գաղտնաբառերը, ժամանակ առ ժամանակ փոխեք դրանք։
Քրոմում թխուկների ջնջում
Օպերայում թխուկների ջնջումը: կտտացրեք Օպերայի կարմիր լոգոյի վրա զննարկիչի պատուհանի վերևի աջ անկյունում և սեղմեք <<Ընտրել>> տարբերակի վրա։
Կտտացրեք հետևյալ հաջորդականությամբ → Կատարելագործված→ Գաղտնիություն և անվտանգություն → Բովանդակության կարգավորումներ → Թխուկներ → Բոլոր թխուկները և կայքի տվյալները և ընտրեք <<Ջնջել բոլորը>>։
Թխուկների ջնջումը Մոզիլա ինտերնետ զննարկիչում․ Բացեք զննարկիչի պատուհանի վերևի աջ մասում գտնվող մենյուն, ընտրեք <<Տարբերակներ>> տողը, ինչպես ցուցադրված է ստորև ներկայացված նկարում ↓։
Սեղմեք <<Գաղտնիություն և անվտանգություն>> տողի վրա, ապա ընտրեք <<Ջնջել տվյալները>> տողը։ 
Թխուկների ջնջումը Սաֆարի ինտերնետ զննարկիչում․
Կտտացրեք Սաֆարիի մենյուի վրա և ընտրեք տարբերակները հետևյալ հաջորդականությամբ՝ Նախապատվությունների → Գաղտնիություն→ Ջնջել բոլոր կայքերի տվյալները
Անլար ինտերնետ կապ (Wi-Fi)
Սրճարաններում, առևտրի կենտրոններում կամ այգիներում հասանելի Wi-Fi կապն օգտագործելն անվտանգ չէ։ Որպես կանոն, այն վատ է պաշտպանված կամ անվտանգ չէ առհասարակ, և ձեր սարքը հեշտ թիրախ է դառնում կիբերհարձակումների համար։
- Օգտագործեք միայն այնպիսի Wi-Fi կապ, որը պաշտպանված է գաղտնաբառով։
- Եթե դուք Wi-Fi հասանելիության տարածքում եք, անջատեք ինտերնետ կապը, երբ այն չեք օգտագործում։
- Համոզվեք, որ կպած եք ճիշտ Wi-Fi աղբյուրի։
- Միշտ մուտքագրեք <> կայքի հասցեից առաջ։
- Ջնջեք զննարկման պատմությունը և թխուկները սոցիալական կայքի էջից, էլ․փոստից կամ ինտերնետ բանկինգի էջից դուրս գալուց հետո։
Ինչպե՞ս պաշտպանվել կրիպտոկողոպուտից
Բջջային հեռախոսի անվտանգություն
- Հաքերները Բլութութի միջոցով բջջային հեռախոսներ են որոնում մի քանի մետր շառավղով տարածքում և կարող են վնասարար ծրագրեր ուղարկել բջջային հեռախոսին։
- Բլութութն օգտագործվում է նաև բջջային հեռախոսներից անձնական տեղեկատվություն գողանալու համար։
Ի՞նչ է պետք անել հեռախոսի անվտանգության համար
Հեռախոսը վնասարար ծրագրերից պաշտպանելու համար Կանադայի Թվային և մեդիա գրագիտության կենտրոնը խորհուրդ է տալիս․
- Կանոնավոր կերպով արդիականցնել օպերացիոն համակարգը։
- Տեղադրել հակավիրուսային ծրագիր։
Բլութութից բխող վտանգներից խուսափելու համար նույն կազմակերպությունը խորհուրդ է տալիս անջատել Բլութութը կամ օգտագործել այն անտեսանելի ռեժիմով։
Հաղորդակցման անվտանգ հավելվածներ
Ներկայումս հաղորդակցման յուրաքանչյուր հայտնի հավելված ապահովում է վերջնակետային կոդավորում, ինչը բացառում է հաղորդագրությունների պահպանումն ու ընթերցումը ծառայություններ մատուցողի կողմից։ WhatsApp-ի, Apple Imessage-ի, Facetime-ի և Viber-ի պես հայտնի հավելվածները կոդավորում են հաղորդագրությունները և տեսազանգերը մեխանիկորեն։ Այս հատկությունը Ֆեյսբուքի մեսինջերում ակտիվացնելու համար կարգավորումներում գտեք Գաղտնի խոսակցություն կոճակը և միացրեք այն։
Ֆեյսբուքի մեսինջերն ունի նաև անվտանգության այլ հատկություններ։ Եթե ցանկանում եք, Գաղտնի խոսակցություն եղանակով ուղարկվող Ձեր հաղորդագրությունները կոնկրետ ժամանակ անց ամբողջությամբ կանհետանան։ Դուք ընդամենը պետք է կտտացնեք ժամաչափիչի վրա և ընտրեք կոնկրետ ժամանակը։ 
Ուշադրություն․ վերջնակետային կոդավորումը չի պաշտպանում ձեզ հաքերներից և, այդուհանդերձ, կա հնարավորություն, որ ձեր խոսակցությունը հասանելի դառնա երրորդ անձի, օրինակ՝ MITM հարձակման ժամանակ։
Ի՞նչ պետք է իմանալ առցանց խարդախության մասին։
- Ինքնությանն առնչվող տեղեկությունների գողություն,
- Նենգակորզում (ֆիշինգ),
- Ֆարմինգ,
- Կեղծ հակավիրուսային ծրագրեր
- Քլիքբեյթ
Ինքնությանն առնչվող տեղեկությունների գողությունը. Համակարգչային խաբեբաները կարող են գողանալ Ձեր ինքնությունը մի շարք եղանակներով, օրինակ՝ վարակելով Ձեր համակարգիչը վիրուսով, որը կհիշի Ձեր գաղտնաբառը, օգտատիրոջ անունը, կրեդիտ քարտի համարը կամ անհատական համարը։
Ֆիշինգ. Համակարգչային խաբեբան կարող է ուղարկել էլենտրոնային նամակ, որով Ձեզ հավատացնում է, թե կոնկրետ կազմակերպության ներկայացուցիչ է, և տեղեկացնում է Ձեզ, որ մրցանակ եք շահել կամ հավաստիացնում է, որ Ձեր հեռավոր բարեկամն է և ուզում է Ձեզ ժառանգություն թողնել, փոխարենը խնդրում է տրամադել Ձեր գաղտնաբառը, հաշվեհամարը կամ այլ անձնական տեղեկատվություն։ Նման նամակներ ուղարկվում են միլիոնավոր մարդկանց այն հույսով, որ գոնե մեկ մարդ կընկնի ծուղակը։
Ստորև ներկայացված նկարում ուշադրություն դարձրեք նամակն ուղարկողի հասցեին։ Այս նամակը հաստատապես Amazon.com-ի կողմից չի ուղարկվել։ Ուղարկողը վերահասցեագրում է այս նամակի հասցեատիրոջը կոնկրետ հղման և նախազգուշացնում դրա ժամկետի սպառման մասին։
Աղբյուր․ Կիբերանվտանգությամբ զբաղվող ընկերություն՝ Heimdalsecurity
Ֆարմինգ. Ֆարմինգի ժամանակ կիբերհանցագործներն ուղղորդում են Ձեզ դեպի վնասարար կայքեր։ Դուք կարող եք ճիշտ մուտքագրել կայքի հասցեն, բայց, այդուհանդերձ, հայտնվել վնասարար կայքում։ Վնասարար կայքը շատ նման է իրական կայքին, կարող է նույնիսկ նույնական լինել։ Եթե դուք նման կայքերում մուտքագրում եք Ձեր անհատական տվյալները (անուն, հաշվեհամար և այլն), ապա տրամադրում եք դրանք հանցագործներին։
Ստորև ներկայցված նկարում կայքը շատ նման է Ֆեյսբուքի գլխավոր էջին, բայց ուշադրություն դարձրեք հասցեի տողին։
Աղբյուր․ Նյուֆաունդլենդի և Լաբրադորի վարկային միություն
Կեղծ հակավիրուսային ծրագրեր. Սրանք փոփափ պատուհանի տեսքով բացվող կեղծ ծանուցումներ են, որոնք <<վախեցնում են>> Ձեզ տեղեկացնելով, որ Ձեր համակարգիչը վարակված է, և համակարգը թարմացման կարիք ունի։ Դեպքերի մեծ մասում սա ինքին վնասարար ծրագիր է, և երբ դուք կտտացնում եք պատուհանի վրա, Ձեր համակարգիչը կարող է իսկապես վարակվել կամ ձեր անձնական տեղեկատվությունը կարող է հասանելի դառնալ երրորդ անձանց։
Քլիքբեյթ. Սա ինտերնետային հղում է, որը գրավում է օգտատերերի ուշադրությունը սենսացիոն վերնագրերով և վիզուալ էֆեկտներով և դրդում են Ձեզ կտտացնել ակտիվ հղման վրա։ Հղման վրա կտտացնելուց հետո կբացվի մի կայքէջ, որը քլիքերի քանիկից գումար է վաստակում։ Որքան շատ քլիք ու այցելու, այնքան ավելի շատ գումար ստացված վեբկայքի կողմից։
Քլիքբեյթը կարող է երբեմն ուղղորդել Ձեզ վնասարար կայքեր։
Ինչպե՞ս պետք է պաշտպանվել առցանց խարդախությունից
Եթե սա արդյունք չտա, նրանք կուղարկեն վնասարար ծրագրեր և կլրտեսեն, թե ինչպես եք դուք մուտքագրում Ձեր գաղտնաբառը: Արդյունքը նույնն է. Ձեր անձնական տեղեկությունները վտանգված են: Այդ պատճառով անհրաժեշտ է հետևել հետևյալ 10 պարզ կանոններին Ձեր գաղտնաբառը պաշտպանելու համար:
- Լավ գաղտնաբառ, որն ունի ամենաքիչը 8 նիշ:
- Լավ գաղտնաբառն ունի ամենաքիչը մեկ սիմվոլ (օրինակ՝ &) և մեկ թիվ:
- Երբեք մի օգտագործեք Ձեր անունը, ծննդյան ամսաթիվը կամ անհատական համարը որպես գաղտնաբառ:
- Փորձեք չկրկնել թվերը (1111) և չդնել դրանք հաջորդականությամբ (123456):
- Հիշեք Ձեր գաղտնաբառը: Մի գրեք այն թղթի վրա և մի պահպանեք հեռախոսում կամ համակարգչում:
- Մի թույլ տվեք, որ սարքը հիշի Ձեր գաղտնաբառը: Մուտքագրեք գաղատնաբառը յուրաքանչյուր անգամ կայք այցելելիս:
- Ջնջեք Ձեր զննարկման պատմությունը առցանց գնումներ անելուց հետո:
- Կայքում Ձեր գաղտնաբառը մուտքագրելուց առաջ համոզվեք, որ այն անվտանգ է:
- Տարբեր հաշիվների համար տարբեր գաղտնաբառեր օգտագործեք: Օրինակ՝ Ձեր Ֆեյսբուքի էջի և էլեկտրոնային փոստի գաղտնաբառերը չպետք է նույնը լինեն:
- Ամեն երկու ամիսը մի անգամ փոխեք Ձեր գաղտնաբառը:
Ձեր գաղտնաբառի պապահովությունը ստուգելու մի քանի առցանց ռեսուրսներ կան:
http://www.passwordmeter.com
https://howsecureismypassword.net
Վստահելիության ստուգում. Ձեր անձնական տեղեկությունները բացահայտելուց առաջ ստուգեք, թե ում եք տրամադրում դրանք: Հետևեք հետևյալ հիմնական կանոններին.
- Վստահելի կայքերը հիմնականում ունենում են գաղտնիության քաղաքականություն: Ուշադիր կարդացեք այդ փաստաթուղթը՝ իմանալու համար, թե ինչպես են օգտագործվելու Ձեր անհատական տվյալները:
- Անձնական տեղեկատվություն էլեկտրոնային փոստով մի ուղարկեք: Դա անվտանգ չէ:
- Մի ընկերացեք անծանոթների հետ սոցիալական կայքերում:
- Կայքեր այցելելուց առաջ ստուգեք, թե որքանով է այն ապահով: Համացանցում նշվածն անելու բազմաթիվ գործիքներ կան, օրինակ՝ https://safeweb.norton.com
- Ուշադրություն դարձրեք ստացված էլ. նամակի բովանդակությանը. կեղծարարների նամակը սովորաբար քերականական սխալներ է պարունակում, և դրա հեղինակը սովորաբար խնդրում է կտտացնել երկար ու տարօրինակ հղումների վրա:
100% -ով արդյունավետ լուծումներ չկան կիբերվտանգները կանխելու համար, սակայն կիբերհիգիենային հետևելը կնվազեցնի այս ռիսկերը և կապահովի ձեր անձնական տեղեկատվության անվտանգությունը:
Ու՞մ դիմել, երբ Ձեր սարքը հայտնվել է կիբերհարձակման թիրախում
Չարտոնված մուտք գործելը համակարգիչ քրեական հանցագործություն է: Եթե դուք դարձել եք վերոնշյալ դեպքերից մեկի զոհը, դիմեք ոստիկանություն: Նրանք քննություն կսկսեն Ձեր բողոքի հիման վրա: