• Կեղծված լուսանկար. որպես կանոն, նման նկարներն ուղեկցվում են ապակողմնորոշող վերնագրերով:
• Ֆիլմից, գովազդից, գրաֆիկակա խաղից հատվածներ, որոնք օգտագործվում են ոչ թե բեմադրված, այլ իրական զարգացումները պատկերելու համար:
• Իրական լուսանկար, որը չի համապատասխանում դեպքի նկարագրությանը/ վերնագրին: 

Լուսանկարների քննադատական վերլուծությունն ու ստուգումն օգնում են մեզ պարզել.

• Իրական փաստերը - Լուսանկարի ստուգման արդյունքում կարող ենք պարզել իրական փաստերը և չեզոքացնել ապատեղեկատվությունը, կամ հակառակը՝ լուսանկարի միջոցով մեզ հայտնի դարձած փաստերը կարող են օգնել մեզ վերականգնել իրական պատմությունը: 
• Իրական նկարի հրապարակման մոտավոր ամսաթիվը - Այն օգնում է մեզ հստակեցնել, թե արդյոք լուսանկարի վերնագրում նկարագրված իրադարձությունը համապատասխանում է լուսանկարի հրապարակման և տարածման օրվա հետ:
• Արդյո՞ք լուսանկարը կեզծված է - Կարևոր է պարզել, թե լուսանկարի որ մասերն ու որքանով են կեղծվել բացահայտելու համար ապատեղեկատվության հեղինակի նպատակները և մտադրությունները: 
  
  

Ներբեռնելով նկարը Գուգլ նկարների որոնման համակարգ՝ հնարավոր է փնտրել. 1) նույնական լուսանկար, 2) դրան վերաբերող տեքստ, 3) Վեբկայքը, որում այն հրապարակվել է:  

Քայլ 1: Պահպանեք նկարը (պահպանել նկարը որպես), որը ցանկանում եք ստուգել Գուգլ նկարների որոնման համակարգում, Ձեր համակարգչում: 

Քայլ 2. Վերբեռնեք պահպանված լուսանկարը Գուգլ նկարների որոնման համակարգում կամ ստուգեք այն անմիջապես Գուգլ Խրոմի (Google Chrome) միջոցով: 

Մուտքագրեք images.google.com կայքի անունը, սեղմեք «Որոնել նկարով» կոճակի վրա, որն առաջարկում է երկու տարբերակ՝ կամ վերբեռնել լուսանկարը կամ տեղադրել նկարի URL հասցեն. Եթե պահպանել եք լուսանկարը, սեղմեք «Վերբեռնել լուսանկարը» կոճակի վրա, ապա սեղմեք «Ընտրել նկարը» կոճակի վրա և ընտրեք նկարը Ձեր համակարգչից: Ապա, քարշեք նկարը Ձեր համակարգչից որոնման վանդակ: Լուսանկար վերբեռնելու փոխարեն կարելի է նաև տեղեկություն որոնել՝ օգտագործելով նկարի URL-ը: Դուք պարզապես պետք է աջ քլիք անեք նկարը վրա և ընտրեք «Պատճենել նկարի հասցեն», ապա սեղմել «Տեղադրել նկարի URL հասցեն» տողի վրա: 

Եթե դուք օգտագործում եք Google Chrome զննարկիչ, դուք ստիպված չեք լինի նկարը ներբեռնել և պահպանել Ձեր համակարգչում: Աջ քլիք արեք ստուգման ենթակա նկարի վրա, ապա ընտրեք «Որոնել նկարը Գուգլում», և նոր թաբ կբացվի Ձեր արդյունքներով: 




Քայլ 3. Զգուշորեն ուսումնասիրեք որոնման համակարգում ցուցադրված արդյունքները: Որոնման համակարգը հնարավորություն է տալիս օգտատիրոջը որոնել տվյալների բազմակի աղբյուրներ որոնման մեկ հարցմամբ: Իհարկե, բոլոր նյութերը չեն, որ կարող են վստահելի լինել: Հետևաբար, կարևոր է ընտրել ամենավստահելի աղբյուրները և քննադատորեն գնահատել դրանք:

ԹինԱյ-ը միանման նկարների որոնման համակարգ է, որն աշխատում է նույն սկբունքով, ինչ Գուգլ նկարների որոնման համակարգը: 


ԹինԱյը (TinEye) ցույց է տալիս.

• Նույնական նկարներ տարբեր կայքերում, բլոգերում և ֆորումներում;
• Հրապարակման ամսաթիվը;
• Քանի անգամ է մեկ կոնկրետ նկարը տարածվել միևնույն աղբյուրով. 

1. Սեղմեք “Ընտրել նկարը” կոճակի վրա և ներբեռնեք համապատասխան լուսանկարը կամ դրա URL հասցեն։
2. Անվտանգության նկատառումներից ելնելով՝ այս գործիքը կարող է պահանջել, որ նշեք, որ ռոբոտ չեք։
3. Սեղմեք “Ցույց տալ նկարի տվյալները” կոճակի վրա։ 

Գործիքը ցույց է տալիս՝

• Նկարի հեղինակին/ սեփականատիրոջը,
• Լրատվամիջոցի կամ ընկերության անունը, եթե նկարի հեղինակն այդ նկարը նկարելիս հանդիսացել է այդ կազմակերպության աշխատակից, taking a photo;
• Նկարի անվանումը/ վերնագիրը,
• Նկարահանման վայրը,
• Ամսաթիվը,
• Նկարի և ֆայլի չափսերը,
• Կարճ նկարագրություն (առկայության դեպքում);
• Ձևաչափը,
• Ռեզոլյուցիան։ 

Վերբեռնված լուսանկարը հիմնականում պարզում է գործիքի միջոցով ցուցադրվող մետատվյալների քանակը ու տեսակը։ Թվային տեսախցիկով կամ բջջային հեռախոսով արված լուսանկարները պարունակում են տվյալների մեծ մասը։ Իսկ կայքերում վերբեռնված լուսանկարները ցույց են տալիս ավելի քիչ տվյալներ, քանի որ դրանք չեն հանդիսանում սկզբնաղբյուր։ Ի լրումն, միանգամայն հավանական է, որ համացանցից ներբեռնված և հետո կրկին վերբեռնված լուսանկարը որևէ մետատվյալ չի պարունակի։ Սոցիալական ցանցերը և վեբկայքերը մեխանիկորեն փոքրացնում են վերբեռնված սկզբնական նկարի չափսը։ Այսպիսով, ներբեռնելով ստանում ենք արդեն իսկ կրճատված չափսերով լուսանկարներ։ Այստեղ է, որ մետատվյալների զգալի մասը կորում է։ 

Exif տվյալների դիտիչ.

Սա օգտակար գործիք է մետատվյալների նույնականացման և վերլուծության համար, և աշխատում է նույն սկզբունքով, ինչ Ջեֆրիի՝ նկարի մետատվյալների դիտիչը։

• Մուտքագրեք www.exifdata.com վեբ պորտալը,
• Վերբեռնեք լուսանկարը կամ նկարի URL հասցեն “Ընտրել ֆայլը” կոճակի միջոցով,
• Սեղմեք “Վերբեռնել” կոճակը և ծանոթացեք արդյունքներին, որոնք տրամադրվում են որպես սեղմագիր և մանրամասն վերլուծություն որոնման դաշտի ձախ կողմում։